Notes On Trash

貴飛先係 $250, 不過星期日開波, 應該都好熱啦. 贊助商詳情 一場矚目賽事，當然吸引不少贊助商成為大會贊助： 冠名贊助：Panasonic 大會指定信用咭：中銀信用咭國際有限公司 大會指定啤酒：嘉士伯 大會指定媒體夥伴：RoadShow 大會指定酒店：W酒店 主要贊助：Nikon, Futbol Trend, Neway, 信和集團屯門市廣場 受惠機構：香港紅十字會 勁呀, 又Panasonic, 又有 Nikon, 仲有嘉仔添, 呢次SCAA 一定唔駛愁啦. 而且Spur 夠球星, 應該多人的, 好想去睇呀, 有冇人約埋一齊去呀??

由英超降班球隊紐卡素轉為自由身(香港稱為「失業球員」)的Michael Owen 終於都唔駛失業, 加入大企業曼聯勒, 不過就大減人工, 仲要pay as you play 添, 話時話, 踢過Liverpool 同Man United 兩隊的球員唔多, 直接轉會要數到 1964 年的 Phil Chisnall , 之前軒斯都係因為咁轉左去皇馬, 而之前效力過呢兩隊波的就有 Paul Ince 同埋 Peter Beardsley , 不過比士尼就冇踢過曼聯一場波勒, 所以今次奧雲轉會曼聯, 唔知會唔會好似當年咁, 整塊banner 歡迎佢呢。

今個星期兩場最好睇的球賽係洲際杯決賽同埋 EURO U21 決賽 先講美國對巴西, 其實巴西真係佔盡優勢，不過好波不及人多，美國只放兩個打前面，兩次突擊得手，咁就2:0, 第二球最靚，由後場到入波只有3個球員交3-4 次波，簡單而直接，絕對係打反擊的最佳實例，不過半場出返來，好明顯仲未入局就俾巴西追返一粒, 又一粒, 最後贏埋添。 另外德青好明顯在戰術上高一班，加上英格蘭青年軍天殘地缺，無前無後，真係唔輸先奇，亦睇到云達的 Ozil 的確好波，加上Castor 同埋 Wenger 兩粒, 咁就四隻蛋送俾佢地，你都咪話唔飽。 Anyway, 今年的洲際杯最有驚喜的係美國, 打得唔錯, 不過有待磨練，另外意大利真係要換腳先得勒, 西班牙亦暴露左對非歐洲球隊的弱點，呢兩隊要大執先得勒, 巴西繼續係有前冇後, 睇來下年World Cup應該有異軍勒。 而Euro U21 方面，打得最好一定係德國啦, 前中後到龍都打得好好，各有大將。意大利方面，中前場真係好強，假以時日, 呢班球員都會有發揮。瑞典有馬古斯貝治神射手。英格蘭就見佢地班球員未及成熟, 要再浸下先得。 想聽更多有關足球情報, 咁就要聽 MobileRadio 的 Soccerism

歐洲的球會賽事八強已在昨天舉行了首回合, 賽果如下

歐聯

PSV 0-3 利物浦

AC 米蘭 2- 2 拜仁

車路士 1-1 華倫西亞

羅馬 2- 1 曼聯

足協杯

利華古迅 0-3 奧沙申拿

AZ 0-0 雲達不來梅

愛斯賓奴 3-2 賓菲加

西維爾 2-1 熱刺

當中以利物浦及奧沙申拿都在作客取得3:0 的賽果, 出線進級的形勢大好, 而羅馬、西維爾及愛斯賓奴主場小勝, 雖然對手都有作客入球, 不過進級仍算理想, 但係仍要努力. 相信下場波都係一球上落, 必定好睇緊張. 另外三場打和, 相信下一回合更加緊張.

但係壞消息係兩場波都有英國球迷作客搞事, 分別係曼聯同埋熱刺, 無獨有偶, 兩隊都係輸 1 球… 真係令英國足球流氓又一次展現在世人面前。