Notes On Trash

以下係昨天香港足總同人大會的改選結果，全部唔駛選. 香港足球總會2009年週年同人大會 香港足球總會2009年週年同人大會已於2009年6月27日(星期六)假旺角帝京酒店六樓宴會廳舉行。大會接納及通告2008-2009董事局報告。

大會同時確認2009至2011年度董事局成員。

有關董事局成員資料如下：(以英文姓氏排序)

主席 1.     梁孔德先生                            自動當選

董事 1.     莫邦棟先生                             自動當選

2.     貝鈞奇先生                             自動當選

3.     王威信先生                             自動當選

4.     余錦基先生                             自動當選

甲組會代表 1.     周文亮先生                            自動當選

乙組會代表 1.     李柱坤先生                            自動當選

丙組會代表 1.     陳文俊先生                            自動當選

連同中國香港體育協會暨奧林匹克委員會所派之一名代表，將組成新一屆2009-2011 年度之董事局。 咁樣下年正式實行港職聯應該無乜大問題

上星期四睇完這套據說係真人真事改編的電影 www.hauntinginconnecticut.com/ 好老實, 這個故事同我地的生活沒有很大的關係, 不過都算唔錯, 恐佈鬼片來說, 都係本地片好睇, 因為更生活花，美國的教士, 法師等都唔係我地可以接觸到的人, 更唔會無啦啦咁就走去搵屋, 所以發生o係身邊的機會大大減低. 但係最特別的係… 套片最好的地方係配樂, score 做得好, 令鬼片更恐佈, 這是萬萬不能變的硬道理呢, 但係最恐佈的就係剪眼皮那一場, 太核凸了…. 聽講 BD 就快出, 呢隻碟如果有質素, 用來試機的話, 應該唔錯. 宣傳方面, 可能係我最著重的一part, 佢地有 web site 啦, myspace, 同埋香港找來幾位鬼王作評論, 有更多的話題性, 上晒Youtube 咁樣, 不過愛恐佈片的人唔多, 呢個可能係最大問題啦, 但係愛好這睇到咁多 info, 都會入場睇, 這個宣傳又幾好. 另, 謝 Netbugs 買飛, Marco/ Aiki/ BearBear/Jonathan/Felix wong 一齊睇 再另, AIKI: 我只係兩頭望, 所以見到馬高遮眼.

上星期二是OM 全球公佈 EP1 的日子, 因緣出席了 1/4 場的記招(不是用家試玩會, 只是下午那場記招)終於都玩過部 EP1 幾好玩, 不過可以做得更好呢. 相信唔駛寫spec, 大家比我都更清楚啦，講返 m 4/3 接口, 這個新Mount 至今有3部機, 分別係 Panasonic 的G1 / GH1 同埋呢部EP1 , 可能俾 Pan 記食左頭啖湯, OM 只有轉招，非以輕巧 DSLR 的方式去推出新機，終於都行返OM 的路, 就係超輕巧的路線，今次翻釘的係 Classic 的 Pen 系列, Pen 仔真係超細部, 當年大賣, 因為佢係半格機, 慳菲林囉. EP1 中的 P  字就係代表延續 Pen 的傳統同埋形像, 新機用 Micro 4/3的接口, 這個接口的可塑性非常做, 分別有  4/3 Adapter, [...]

下面沒有了，因為 Webhosting唔見左一年的backup

http://homepage.1000words.kodak.com/default.asp?item=2388083&CID=go&idhbx=kodachrometribute Good bye to the best color flim i ever use.

Voigtlander (福倫達)推出全新科技的復古120菲林相機，採用蛇腹設計的輕巧機身，配合先進的內置測光以及自動曝光功能，為極具收藏價值的中片幅相機。

Bessa 歷史

Voigtlander 於1935年推出首部中片幅蛇腹相機 Voigtlander Bessa，大獲好評後，更於1952年推出 6 X 9 及 6 X 4.5相片格式的 Voigtlander Bessa II相機，事膈超過50年後的廿一世紀，Voigtlander 以先進的技術配合最新科技，把這部經典的Bessa 相機再次帶到用家眼前，Voigtlander Bessa III 667 不只保留有 Bessa 系列的輕巧中片幅相機特點，相機更首度內置測光系統以及自動曝光功能，使操作更簡便。

Heliar 鏡頭

Bessa III 667 採用一支Voigtlander 蛇腹Heliar 鏡頭，擁有近百年歷史的光學結構，此鏡頭的焦距為80mm F/3.5，採用 4鏡6組設計的標準鏡頭；而使用蛇腹機身使相機的整體重量以及攜帶體積大為減低，令中片幅相機的機動性大增。

自動曝光

Bessa III 667 擁有內置中央平均測光系統，用家可於觀景窗內觀看測光讀數，配合首次應用於蛇腹相機的光圈先決自動曝光功能，使Bessa III 667 的機動性更高。 中片幅相機 採用 120/220 卷裝菲林的 Bessa III 667 可拍攝 6×6 [...]

下面沒有了，因為 Webhosting唔見左一年的backup

以下係 Y! HK 的簡介

東京強烈地震後，由於地震影響，海水溫度驟升，太平洋上形成史上最大規模的颱風，颱風正對著東京，猛烈逼近…！在熱鬧的銀座街上，巨大冰雹突然從天傾瀉而降，東京灣的海水倒灌湧入市中心，大樓、橋樑及行道樹都被沖垮，市區陷入一片混亂及恐慌。 前超級拯救隊隊員篠原祐司（伊藤英明飾）與 女兒詩織，還有另外3個人受困在這裡—實習醫生重村（山田孝之飾）、在大阪經營中小企業的藤井（木村祐一飾）、在銀座工作的韓國女生金秀敏 （MINJI飾），一同被困在地下月台。為著生存，生還者敲打著2聲、5聲、2聲的252生存訊號等待救援…….

有熟悉的演員，配合災難片，仲要係大家熟悉的地方，本來十分吸引，不過日本片的問題是節奏過慢，等待救援的每個人，消防對以至天文台都有十分冗長的描寫，作為一套災難商業片，這一點的確是一個災難。 不過日本人拍攝災難片可以算係架輕就熟，配合上伊藤英明這位給定形做日本現代紀律部隊Demo 的演員，真係十分有睇頭，但係特技就有d 假，在海上的海嘯有郵輪的4-5倍高, 去到港區, 只夠cover 首都高，這點細微的過份處理可以更好。而處理人性的弱點、逃生、保命等課題，則一直都是日式災難片所談論的，今次伊藤英明以前消防的身份，因不能救到其隊友而轉行，哪知現要其前隊友援手呢。在這方面，本片的刻畫的確很好，每一個角色都代表著自身的利益/責任，可以算係非一般的災難片啦，不過其劇情推進，就如典型的災難片一樣，佈局流於簡單，基本上未到一半就可以估到結局。但係最感人的是失聰女孩大森絢音開聲呼喚伊藤英明這一幕。 不過總算值得入場一看。 值得一提的是伊藤英明在三越門口那一幕, 看到Ricoh Ring Cube 的巨大招牌呀 另, 252 這個訊號係日本東京消防廳的通話編碼，代表「需要救助的人」。唔好亂用, 萬一有事, 都係用返 S.O.S. 三長三短三長好d 252求生訊號公式網站

話說11號星期四係新城極品陳奕迅Same Wrong Sin 音樂會，呢個音樂會賣的係陳奕迅同埋Mr. /Swing呢兩隊組合，不過音樂會7:30 開場，8:00先有人講野，之後係新香焦三件疍散攪粉gag 再來係啤梨唱3首歌，再來係3次以上的Title Sponsor 東亞銀行信用卡廣告，賣廣告賣到噓聲四起，呢次Sponsor 都算係失敗。 講返個Show, 新香焦那3個好似搞左幾個爛gag 同埋唱左首歌<– 我當時四圍望, 冇留意, 我Fd 就訓左覺添。 之後都係啤梨啦，好似有首禁毒舊歌同埋唔知乜歌… 終於等到陳生出場，原來係新歌練習會 + 搵幾個fd 夾band 的聚會仔，好在隊band 唔差, 不過Mr. 同 Swing 就只有3-4 首歌可以玩, Eason 新碟H3m 玩晒10 首，+ 埋翻唱人地d 歌同埋Encore 的舊歌，都算唔錯, 之但係做乜全場齋唱? 冇dancer, 冇登台衫, 唔係咁冇budget 下話, 一件Tee 就係演唱會唱一晚，真係慳家到極點呀。話時話，就算再有免費飛, 連Eason 都搞成咁, 都好難叫我再去多次勒

15萬人，我們的信念真的相傳了嗎？ 大會數字是15萬人， 警方估計維園範圍內，最高?時間聚集 62,800人。 呢個數字絕對唔可靠，香港警方辦事不了，最落力做的只有強行搜身等侵犯人權行為。或者就如我所講，真係要同每個警員say 句hi 先入場, 等佢地認清人數嗎、白燭的數字，加上外圍的人群，每一個數字都比呢班咁「得力辦事」的香港警察多，証明香港警察可以做到幾多野，我係一哥的話，就先將呢班人的入學堂上math 堂先，連數數目都做唔好，點做警察? 7點的入場，已坐到4 號球場… 6 號係舞台，5號係英雄碑, 我地就在維園圖書館入口之前不遠。不過跟不少朋友失散了，不過只要到場的，都是愛國之士，沒關係吧，坐在我們身旁的是一女二男三位穿校服的中學生，在不小心聽到他們的對話，大約是17-8 歲的高中生吧，不知是何因他們的到來，反正來了便知到多一點，希望他們找到史料，知到當日發生的是哪一回事，踏上愛國建國之路，不過他們可找不到年輕時浸醉於共產主義的那一點浪曼，但是有激情，為的是某人的說話也好，是甚麼都好，最緊要係有自己的思考，知到自己做緊乜野，去到集會，做的事都是廿年來差唔多，今年多了數首新歌，就是這樣，要數535的話，大家去看書啦《Prisoner of the State》或者更多的書啦。

http://spreadsheets.google.com/pub?key=rcz-FpRKSsvyQUnLL1UMjcg&single=true&gid=0&output=html 本站將於 t+ 600 進行系統維護及技術升級 煩請有心人幫本站加入谷歌文件

第二屆香港/澳門理光攝影比賽 近年澳門急速發展，新廈林立，在這新舊交接，轉變中的澳門，用你的鏡頭及快門，記錄低你心目中的「濠江風貌」有機會贏取Ricoh GR Digital II 數碼相機！

主題: 濠江風貌

參賽資格：使用理光(Ricoh)數碼相機拍攝的相片

報名日期：2009年6月1日至6月30日

參加辦法：請將400萬像素或以上之JPEG檔案及 4MB 以下之相片連同參加者姓名、電話、電郵以及拍攝資料包括主題、相機、光圈、快門及ISO等電郵到info@laikok.com.hk

獎品： 大獎一名: Ricoh GR Digital II 數碼相機乙部及獎座

二獎一名: Ricoh CX1 數碼相機乙部及獎座

三獎一名: Ricoh R10 數碼相機乙部及獎座

優異獎30名：理光GR紀念品乙份

賽果公佈: 比賽結果將於2009年7月中至下旬於 www.laikok.com.hk 網站內公佈。

比賽規則： ●凡任何年齡之香港/澳門居民都可參加是項比賽。 ●每人參賽作品最多三張。 ●所有作品必須環繞參賽的主題拍攝。 ●參賽相片規格 400萬像素或以上之JPEG檔案及 4MB 以下。 ● 參賽者必須使用理光數碼相機。 ●主辦單位有權請參賽者提交參賽照片的原有數碼影像檔案(400萬像素或以上)，如參賽者未能提交原有檔案，將不會獲頒任何名銜及獎品。 ●參賽作品必須為參賽者原創作品，並擁有該等物品之全部知識產權以及不得侵犯任何人士的知識產權。 ●參賽者將擁有作品版權，並授權主辦單位免費作宣傳、展覽及公開推廣之用。 ●所有參賽作品恕不奉還。 ●冠軍、亞軍、季軍各一名、優異獎30名，得獎者皆由評審團決定，參賽者不得異議。 ●參賽者如違反任何比賽規則，將被取消參賽資格。 ●主辦單位有權取消任何參賽作品的資格而毋須向參賽者解釋，如有任何爭議，一切以評審團的最後決定為標準。 ● 凡提供不清晰個人資料者，或會被取消參賽資格。 ● 每張參賽相片必須為參賽者原創，以及未於任何比賽參賽，否則一律取消參賽資格。 ●主辦單位之員工及家屬不得參加是次比賽。 ●主辦單位有權更改比賽規則而毋須事先予以通知，以及對條文的解釋及決定。