Notes On Trash

NH 175 KIX-HKG 20071021UTC0417

多日的旅程，真色身心皆疲，而家最想的就係訓一覺好的，聽日要起身返工，繼續做。
這數天的行程匆匆，我發覺日本有比我想像中好的地方，亦有更差的。最大問題莫過於言語不通。相比泰國、馬拉，日本韓國人的英語水平真係差得要命，好在日文有不少漢字，而且發音亦有很多字是相近的，這就使我在日本的問題減少。

我不是對本地航空的偏見，不過該本地航空公司的大倉質素差，乘客是1A懵太之流，實在不敢乘搭。所以就算擇了我的Mileage Bank UA的聯盟 ANA ，NH班機是用細機767-300 ，細係細d, 最大鑊係前面的747 有機尾亂流，跟住佢都幾辛苦，雖然機係有點舊，但係機上的Panada 產品以及廁所是少有的配件齊全已叫我眼前一亮，加上豐盛的餐飲，有西班牙香賓丫，所以我又一次寫醉Blog。飲了兩支Baby size 的香賓之後先係正餐，餐飲係Charooary白酒，配以前菜日式冷面，帶子火腿沙律，Main Course 是局局雞配火腿薯蓉 及西蘭花，難得的是有牛角包呢，真是豐富，餐後是Coffee 加Green Tea，仲有靚靚日籍空姐，這不是本地航空可比的服務呢，我亦難得好胃口，掃清飛機餐呢。有點可惜的是我搭的唔係熊貓機。唔係就真係正死，下次返GZ飛去東京要搭搭先得。

寫在NH176 HKG-KIX UTC 0843

不經不覺，轉工轉行已經三個多月了，過了試用期，正式成為相機代理的一員，由記者轉做Marketing 可能是最佳的轉行工作，不少舊行家都變成代理，或PR 的一員，莫非IT Field真的是窮途末路，大家急求出路？小弟添作相機代理，萬幸的是代理的品牌有優良的品質，而且產品受一眾潮州人仕追捧，不知潮州怒漢及李氏一家是否我的客戶。要做代理的Marketing 其實好多野做，一來我們代理多個品牌，所以工作量已不少，加上各廣告商的R 稿，實在有點難受，小弟是一個無權落稿的Marketing，Sales 大哥大姐唔好蝦我。好在是處理的公務不太忙，而且要出Trip 開會影o野，實在也是有得我忙，要學業及工作兩相兼，一個字，難。好在同事友好及幫手，加上老細亦好人，而且公司不算大，我有不少發揮的空間，都不知算是好事或壞事。不過都請各位編輯及記者們幫手幫手，我的Product 及新聞稿登大斷D，Sales 就唔好係咁追稿，我有稿的話，我都會識做架勒。

寫在NH176 HKG- KIX途中

當我開 Mail.app 或者 Outlook Express 時(冇錯係Outlook Express,我唔like bill 但係冇法, 公司用窗，我就用佢囉)都會有好多好友/ 有心人 Forward唔同的Email 給我，內容有搞笑、憤怒、低能、可愛、感人等等等等等等等等等等等等等

不過我發覺好多人都係用 Yahoo 或者Yahoo.com.hk Y!Mail 的，咁就大鑊勒，因為好多人都會將Email 以attachement 方法寄出，咁樣我用mail application 咪收到attachement 囉, 收到唔緊要, 最麻煩係我要click好鬼好鬼好鬼好鬼好鬼好鬼好鬼好鬼多下先開到個email

大家可唔可以唔用附件寄出，仲有, 麻煩剷走埋d header添啦,我唔係junk mailer, 唔駛收集email, 你send 咁多野俾我都係冇用架, 就算我用gmail 都唔能夠即食咁睇,唔該!!! 咁多位拜托, 唔好attachement 啦