Jun 30 2006
今晚 8 強戰，小弟預料的賽果為 1:1 德國和阿根廷，0:0 意大利和烏克蘭，頭場係對攻，尾場係大家互收，各有不同，反正明天七一放假 
先說我的愛隊阿根廷，上場對墨西哥的確打得唔好，明顯問睇係不能控制比賽節奏，打得不好的以列基美為首，雖然佢打得唔錯，不過呢個係佢的最大弱點，就係「控球慢、唔夠快同冇速度」所以我覺得用艾瑪的話，中場會更強呢，或者用雙正中中場，艾瑪同列基美係同門兄弟，二人十分合拍，相對來說，中場會更強呢，另外前線方面，美斯係好，不過打半場啦，電兔的確輸身材，不過好再有基斯普頂住，最後就係後防，史卡朗尼係計時炸彈，要小心小心，做乜冇 J 辛尼迪..有佢就冇咁愁啦，不過蘇連打得唔錯，我估 佢地同德國隊會係惡戰一場。
Jun 30 2006
林柏特，你要生性一點 圖 Via Soccernet
世界盃賽到 8 強，今晚先有主辦國德國對我的愛隊阿根廷，後有意大利對烏克蘭，兩場好波，明天係英格蘭對葡萄牙同巴西對法國，看看會否又是大熱勝出。雖然在國際賽當中，我不愛英格蘭，我的第一位球隊卻是利勿浦，加上多年來英國足球賽事都是港人最愛，所以對其亦算熟悉，不如就等我評一下這隊波在過去 4 場賽事的問題。
說實話，英格蘭的領隊真的很差，前鋒選了一個不會出場的 Walcott, 本來 4 位前鋒，奧雲傷了，就只有 3 人，Walcott 又不出，那就得 2 個了, 朗尼同高治，前者開賽時受傷未好，後者人如其名，本來是好的，高速的奧雲，加上朗尼，替換的係柱躉式的高治，不過當初奧雲就係復出不久，狀態係問題，艾力臣選佢亦無可厚非，幸好朗尼在賽前 檢查通過，第二場波可以復出，唔係..真係唔知會有乜野後果，最大問題係奧雲的玻璃腳，又傷左了，現在的 3 名前鋒真係好危..當初為何不選Defoe 呢？其實仲有更多好選擇架。
All-star 中場之首 Backham 圖 Via 新華網
去到中場，這條中場線的確係鑽石級，不過在我看來，就係 All-star 明星賽用居多，有看 NBA 的 All- Star 都知到是甚麼的一回事，這是 4 年一次的 Play-off ，但係用兵就 All-Star ，仲要中場中的雙特各自打天才波？二人分工不清，誰上誰落不明，結果係謝拉特大部份時間下落不明，林柏特就不停浪射，同樣浪射的有法國 22 號球員，綽號新施丹那位，不過上場入了一球靚波，就乜都抵返啦，但係看來林柏特仲未有靚波入之前，可能球隊已經輸了。反而謝拉特表現不錯。碧咸作為球隊的重心，精神領袖，出場是當然的，不過其實他一向末有速度，加上年事已高，打右中場又係唔係最好呢？獨步單方的七旋斬唔一定要靠邊站先可使出，佢射入一球靚罰波啦。將佢移入中路，打防守中場係一個唔錯的選擇，好在對手攻力不強，唔係都唔知碧咸會唔會返唔切後，以佢的波路，中場偏後會較合適。最後就係左路，Joe Cole 表現不錯，不過就好似沒有隊型，獨食問題對佢來說跟林柏特有得比，幸好有助攻！及入球，不過給他扭死同浪費的機會就不少。看來艾力臣要對佢加強管理先得。後防方面，Rio 一貫漫不經心的踢法，令人心驚肉跳，Terry 好在打得不錯，So far 都沒有問題，左路另一個 Cole 亦對版，不過之前面對的都是弱隊，之後會對的都係強攻的球隊，我看A. Cole 要小心，不要過份輕出才好。 右路初初係Gary Neville，之後傷左就由通天佬倌 Jamie Carragher 頂上，此子打的不錯，不過善守不攻係佢最大的毛病，右閘亦唔係佢最好的位置，所以碧咸在右路的攻勢就少了後上的支援。尤其面對弱旅而取不到分的關鍵時刻，留守穩當的 Carragher 就不合用，不過未來的比賽，這位以穩當見稱的球員還有作用，希望艾力臣唔好雪佢就掂。
龍門方面，真係唔熟，不過 Paul 打出水準，問題應該不大。最大問題其實係來自後備。Owen Hargreaves表現平平，不過打 4-5-1 的話，跟 Backham 一同打中場的話，我看都會唔錯，兩翼 Lennon同 Downing 都有打過，其實佢地最大問題係太嫩，不過做乜唔俾機會呢兩位仁兄呢，唔選都選左啦，咁樣可以配合出高波，都唔錯架，前面一對箭頭有咁多波送埋去，應該 OK。
後防方面，Neville 好在可以復出了，不過其他就只有 Wayne Bridge 同 Campbell，有乜事真係不知點算好。原來英格蘭前後都缺人，那就聽我說一次，擺大個中場去啦，中場唔係明星或者人多就OK ，謝拉特打進攻位，Beckham 同 Hargreaves 打防中，左右可以係 Cole 或者 Lennon/ Downing 。打單箭頭 Ronney ，這個打法， 我覺得比林柏特拍謝拉特兩個打中場好得多。
Jun 30 2006
之前說個，其實寫 Blog ，主要都是「See and Be Seen」同去蒲的方法一樣，首先係要有好的外表，我個 Look 就話唔掂，不過我個 Blog 都唔差丫，做乜人地個 Blog 有咁多人睇，而我個 Blog 就得小貓三兩隻？好的外表，只係成功的一半，你仲要有內函架，我頭先都話同去 Clubbing 一樣，拎出你的內函先啦。不過就算有內函又有外表，唔識得玩呢個遊戲都係冇用，個 Game 係點玩？
Jun 30 2006
碧咸呢一腳係真真正正的黃金右腳，唔知大家仲有冇印像呢?
粵語旁述。
其實仲有好多好正的 World Cup 片段放在 youtube 上，只要search world cup 就ok, 老劍敢寫包單，好睇過瑞士隊烏克蘭。
Jun 30 2006
今年世界盃仲有 8 場比賽，不過唔好講咁多，我地先睇返 World Cup 的經典 Cheat 球
上帝之手 20 周年特別版。哈哈, 英格蘭Fans，更多的精彩片段陸續有來。
下集預告: 馬勒當拿一個扭半隊英格蘭入波，呢個世紀金球。
Jun 28 2006
2006 世界盃現在已經打到 8 強地步，佢地分別係 德國、阿根廷、英格蘭、葡萄牙、意大利、烏克蘭、巴西同埋法國
對賽分別係
德國 VS 阿根廷
意大利 VS 烏克蘭
英格蘭 VS 葡萄牙
巴西 VS 法國
當中只有烏克蘭同葡萄牙唔係已往的世界盃冠軍，其他隊伍，件波衫上面都有 星星，看來這次真的係熱門天下，之前的 8 場賽事有十分好看的，有打得十分激列，亦有悶戰一場，不過我看最大問題的係球証，有亂判，亦有亂發牌，一場波 16 張黃牌加上 4 個兩黃一紅，最後 9 個打 9 個，真係少見。不過後 4 場的16 強戰方面，球証就有點矯枉過正，派牌太鬆，好似法國 vs 西班牙咁，如果係何蘭 VS 葡萄牙那位球証來講，最少多 1 倍黃牌同埋一定有人趕出場囉，今次俾法國晉級，面對巴西，都唔知係唔係好事，不過巴西都應該係強攻，所以會係一場攻防戰，可能係 98 年決賽的翻版呢。另外一面，德國 VS 阿觔廷亦係 86 同埋 90 年決賽的戲碼。呢次真係好睇，另外兩場，由於各有新丁，所以情況有d 唔同，意大利面對烏克蘭唔駛講，兩隊都係防守強隊，我估真係好睇有限，另一方面，英格蘭對住葡萄牙方面，葡萄牙上場因為 2 張紅牌，所以有主力停賽。呢次會益左英格蘭，不過場波就冇咁好睇呢。
下面係老劍主觀個人願望，千萬不可用作投注參考。 Continue Reading »
Subscribe to this site's RSS feed.
